ألعاب ١ كي جي و٢ كي جي عربي وإنجليزي مع زينة وعبقرينو
كتب الروضة الأربعة للترم الأول — عربي وإنجليزي لـ١ كي جي و٢ كي جي — وحدة وحدة مع زينة وعبقرينو. كل حاجة بالصوت، فالطفل اللي لسه ما بيقراش يلعب لوحده: يسمع صوت الحرف وكلماته، يكتب الحرف بصباعه، ويلعب نشاطات الكتاب نفسها. وتحت كل تعليمة إنجليزي سطر عربي صغير للأهل.
Free games for the Egyptian kindergarten books (KG1 & KG2, Term 1), Arabic and English, with Zeina & Abkarino — everything spoken, no reading needed.
روضة زينة وعبقرينو ألعاب تعليمية مجانية لأطفال الروضة من ٤ لـ ٦ سنين، معمولة من كتب الوزارة الأربعة للترم الأول (عربي وإنجليزي، ١ كي جي و٢ كي جي). الطفل بيسمع كل كلمة، بيكتب الحروف بصباعه، وبياخد صورة يلوّنها هدية لكل حرف بيخلّصه.
- 📚 ٤ كتب · ١٧ وحدة · ٥٤ حرف، بترتيب الكتاب
- 🔊 كله بالصوت — من غير قراءة
- 📚 قصص الكتاب الـ ١٣ بتتقري بالصوت
- 🏅 شهادة وإنجازات تتشارك مع العيلة
- 📴 مجانية ومن غير إعلانات وبتشتغل من غير نت
الوحدات في اللعبة 📚
وحدات كل كتاب بالترتيب، والحروف والأرقام وشوية من الكلمات اللي الطفل بيسمعها في كل وحدة.
إنجليزي ١ كي جي (KG1 English)
I Can Find it at School · ألاقيها في المدرسةالحروف: s a n · الأرقام: 1, 2
My Body, My Care · جسمي ونضافتيالحروف: p h d r · الأرقام: 1, 2, 3
My Family Picnic · نزهة مع أسرتيالحروف: e c k m · الأرقام: 1, 2, 3, 4, 5
Review · مراجعة الوحدات٥ نشاط مراجعة من آخر الكتاب
عربي ١ كي جي (KG1 Arabic)
التهيئة١٠ نشاط للتهيئة زي الكتاب: الألوان، الضل، الصغير والكبير، الاتجاهات، أصوات الحيوانات…
أنا وأسرتي (Me and my family)الحروف: أ ب م ح ج د
الطبيعة من حولي (Nature around me)الحروف: خ ت ل س ن
إنجليزي ٢ كي جي (KG2 English)
Little Bodies, Big Moves! · جسمي الصغير بيتحرك كتير!الحروف: j k · الأرقام: 1, 2
Let's Get Dressed! · يلا نلبس!الحروف: d m g · الأرقام: 1, 2, 3, 4, 5
My Week! · أسبوعي!الحروف: o b f l · الأرقام: 1, 2, 3, 4, 5, 6, 7, 8
My Busy Day! · يومي المليان حاجات!الحروف: w c r u · الأرقام: 1, 2, 3, 4, 5, 6, 7, 8, 9, 10
Review · مراجعة الوحدات٥ نشاط مراجعة من آخر الكتاب
عربي ٢ كي جي (KG2 Arabic)
التهيئة٨ نشاط للتهيئة زي الكتاب: الألوان، الضل، الصغير والكبير، الاتجاهات، أصوات الحيوانات…
غذائي (My food)الحروف: أ ب م ح ج د
أدواتي وألعابي (My tools and toys)الحروف: خ ت ل س ن ر
وسائل المواصلات (Transport)الحروف: ف ك ق ي ع
بيلعبوا إزاي؟ 🎲
كل حرف صفحة صغيرة زي الكتاب: يسمع الحرف وكلماته، يكتبه بصباعه، يلاقي أول حرف — وبعدين لعبة. ولما يخلّص الحرف ياخد هدية: صورة يلوّنها. وفي «ركن اللعب»: صيد السمك، بولينج مع زينة أو الصحاب (لحد ١٠ أونلاين)، البالونات، الذاكرة، نلبّس زينة، مطبخ نانا وكنز الستيكرات. وكل وحدة فيها قصة الكتاب بتتقري بالصوت صفحة صفحة، وأوضة يسمع فيها الطفل الكلمة ويدوّر عليها، وكل ستيكر يكسبه يحطّه بإيده في «كراسة الستيكرات».











أسئلة الأهل 💬
لأنهي سن؟
لأطفال الروضة من حوالي ٤ لـ ٦ سنين: ١ كي جي (KG1) و٢ كي جي (KG2)، وكمان قبل أولى ابتدائي كمراجعة على الحروف والأرقام.
ابني هيتعلم إيه؟
أصوات الحروف العربي والإنجليزي وكتابتها بالصباع، كلمات كتاب الروضة، الأرقام من ١ لـ ١٠، الألوان والأشكال وأيام الأسبوع، وفي ٢ كي جي عربي يكوّن كلمات من الحروف — كله من كتاب الوزارة.
هل اللعبة مجانية؟
أيوه، مجانية بالكامل ومن غير تسجيل دخول، ومن غير إعلانات جوّه اللعبة.
هل المحتوى من كتب الوزارة؟
أيوه، كتب الروضة الأربعة للترم الأول: عربي وإنجليزي لـ١ كي جي (KG1) و٢ كي جي (KG2)، وحدة وحدة وبنفس ترتيب الكتاب، ومنها التهيئة والمراجعة.
ابني لسه ما بيعرفش يقرا، هيعرف يلعب؟
أيوه، اللعبة معمولة للروضة: كل تعليمة وكل كلمة بصوت واضح، والطفل بيدوس على الصور، وتحت كل تعليمة إنجليزي سطر عربي صغير للأهل.
ليه ١ كي جي و٢ كي جي مفتوحين للطفل؟
بالقصد: طفل ٢ كي جي يقدر يرجع يتمرّن على اللي في ١ كي جي، وطفل ١ كي جي اللي خلّص بدري يقدر يجرّب ٢ كي جي. وكل مستوى تقدّمه بيتحفظ لوحده.
فيه قصص الكتاب؟
أيوه، الـ ١٣ قصة اللي في كتب الروضة الأربعة، صفحة صفحة بصور مرسومة، وكل صفحة بتتقري بالصوت والسطر اللي بيتقري بينوّر. وبعد كل قصة لعبة «رتّب الحكاية»، وفي إنجليزي ٢ كي جي كمان أسئلة الكتاب صح ولا غلط.
إزاي أعرف ابني وصل لفين؟
من «للأهل» (بسؤال حساب صغير للكبار): تقرير لكل طفل بالخطوات والحروف والأرقام ووقت اللعب، و«فهرس الكتاب» فيه كل وحدة وصفحاتها في الكتاب وفين تلاقوها في اللعبة، وزرار يفتحها على طول.
هل فيه شهادة؟
أيوه، لما الطفل يخلّص كل وحدات المادة ياخد شهادة باسمه وصورته، يحفظها أو يشاركها مع العيلة، وكمان كل إنجاز وكل صورة يلوّنها تتشارك.
هل بتشتغل من غير إنترنت؟
أيوه، بعد أول فتحة اللعبة بتتحفظ على الموبايل وتشتغل من غير نت، ما عدا اللعب مع الصحاب أونلاين.
إزاي أنقل تقدّم ابني لموبايل تاني؟
من «للأهل» اعملوا «الرقم السري»، وعلى الموبايل التاني دخّلوه — النجوم والستيكرات والصور الملوّنة كلها بترجع.
أنور وعزوز

